بے گناہی ہر گناہءِ باتنءَ چہ زاہر انت
مہلبیں پلے سباہءِ باتنءَ چہ زاہر انت
روچ کردارے شپانی دیدگاں کلمانٹ یے ءِ
دنیا چو بانورے مَاہءِ باتنءَ چہ زاہر انت
رنگ ءُ بوہءِ عاشقاں دل واہگاں گوں کل کتگ
زند بدرنگیءِ براہءِ باتنءَ چہ زاہر انت
زندگی گیمرتگیں پلانی عمرءِ مَانا انت
نستگیں ارواہ ءُ ساہءِ باتنءَ چہ زاہر انت
مَاہکان اوستانی گڈی سر شپءِ زیبائیءَ
ڈیہہءِ کاڈانی لقاہءِ باتنءَ چہ زاہر انت
ماَ پہ کئی اوستءَ عیدؔ در پہ دریں اے موسمءَ
واہگ یے جیگءِ تلاہءِ باتنءَ چہ زاہر انت