بے مثال تئی، گُلبدنی بہ بیت
کدی گُشتگ من کہ منی بہ بیت
ھَمُک راستی ءَ را آ دروگ کنت
اگاں اِھوت ءَ کَڈّنی بہ بیت
تو سَرینّ ءَ میا ءُ مَہ اوشت مَنی
اگاں وھد ساہ کندنی بہ بیت
چہ آ، داد بَکش ءَ بحیل گِھ اِنت
کہ شِگان بہ جَنت ءُ غنی بہ بیت
تو بزاں آ، اَلّم ءَ قاضی اِیت
اگاں میتگ ئی پَسّنِی بہ بیت
بزاں مَندر باز ءُ مناقف اِیت
اگاں مردے چار جَنی بہ بیت
بدیں کِرد ءِ واجہ نہ بیت نیک
تُری ساحرؔ ءِ جَھ بُنی بہ بیت