بے شہدءُ شکلءَ کدی بے شیرءَ وش نہ انت
امروز بد وفائیءِ بے زہیرءَ وش نہ انت
سالونکءِ دست حنی ئیں حوناں گوں مینتگ اَنت
بانور واہگءِ وتی منگیرءَ وش نہ انت
استال مَاہکانیءِ شارءِ ستارہ اَنت
روچءِ درآمدی شپءِ بادگیرءَ وش نہ انت
کاڈانی درد مئے کہ دلءَ لاڑکی کن انت
ترانگ جدائیءِ تئی چو تیرءَ وش نہ انت
ناں سرجمیں حیال تئی منی شعر اَنت سرجمءَ
نزیکءَ وش وش بلے دیرءَ وش نہ انت
بے دودیں زندگیءِ عجب سانکلاں عیدؔ
دلءِ میتگءَ جنکءَ وتی سیرءَ وش نہ انت