بے تئی جند ءَ منارا اے جہان ءَ یار نیست
اَچ تئی مہران دل ءَ را کار نیست بیپار نیست
گیچنت سینگ منی اچ شِل سریں تیران غم ءِ
من کہ وت سیرباروں غماںچہ حاجتء سربار نیست
سادگی براہیت ترا خنجر چہ زلپاں جوڑ مکن
ماہ ءُ استال ءِ گل ءَ را حاجت ءُ سنگار نیست
دل ترا من داتگوں بوگ بوگ ءَ پرتو پرشتگوں
گر سر ءِ کار بیت ترا ہچبر منا اِنکار نیست
دوری ءِ درداں آسر داں تئی بازین غماں
چوکہ مجنون من گنوکوں ہچ سر ءَ مئے سار نیست
شپ پہ استال ءِ حساب ءَ روچ پہ جنجالی ءَ
واب ءُ ورد ءَ کپتگوں نوں قوت ء گفتار نیست