بے وساں دردءِ گنجیں درءَ کپتگاں
تئی گمءَ ذگریں روچءِ سرءَ کپتگاں
نز ّنہ کنت دیدگاں اوستءِ ہورکیں شکم
تئی درءِ سجدہءَ سدبرءَ کپتگاں
سُتکگاں سرجمءَ زندگاں نہ مراں
تئی زہیرانی آسءِ چرءَ کپتگاں
بایدیں مہرءِ گیوارءِ نیامءَ جتیں
پُلّے آں من چہ تئی مہپرءَ کپتگاں
گیر کاریت امروزءِ جنگل منءَ
من آ درچکاں چہ شاہ ءُ برءَ کپتگاں
انچو ساہءِ وڑا دیدگاں داشتگاں
گم تئی گرانءَ منءَ امبرءَ کپتگاں
نیست منءَ مونس یے عیدؔ حالے بہ گیپت
دوزہیں ترانگءِ محشرءَ کپتگاں