چہ سَرءَ ہوش در شُتگ دیر اِنت
ما اگولین ءُ سَر بَتگ دیر اِنت
قیمتی زند ءِ تَھ زدیں بالاد!
ھَوپے ءَ گِرانیں گُوَر جَتگ دیر اِنت
بَرّ ءُ بے دِہ وپاءَ تا آپیں!
پاد شِپاد ءَ مَا گولِتگ دیر اِنت
سَبز گُلگَرکیں دَھل تِپاکی ءِ
گوں وتی دستاں ما رُتگ دیر اِنت
آمزار گونگیں تمردیں دل
بُندریں جاہ ءَ کِنزاِتگ دیر اِنت
شات ءُ آباد ایمنیں ھَنکیں
لشکر ءَ مئے وتی جَتگ دیر اِنت
ساحرؔ ”بے زانتی“ ءِ بدیں درچک ءَ
شَرّی ءَ ”بُورّ ءُ بر“ کُتگ دیر اِنت