چہ شاھاں چہ مستر پکیری منی
ترا کنت نزیک دیری منی
مچار گواتءَ گوناں چو ورناییءَ
تہءَ جوش جنت چوں پیری منی
سچ ئے گرمی ءَ باندا زاناں اگاں
ترا مان نئیت مرچی بیری منی
مناں جور جواب کلیں چاگرد گوشیت
پتو گپ دپ ءَ کیت انت ایری منی
گھیں کرد مزن کنت نام ءَ بلے
ترا پرچے توریت میری منی
مہ شوھاز ایت بانور کس پیری ءَ
نہ زیب ایت منءَ نوک سیری منی
ھمار ءَ کناں یاد ھر مشکل ءَ
ھماکنت طائرؔ دزگیری منی