نبیسگ ویل کتگ وانگ نزاناں
من ساراں یا کہ دیوانگ نزاناں
مرگ وَ الّم انت یک روچے ھمبل
منیگءَ انی دلمانگ نزاناں
مئے زانتءِ تین گرم انت آرت لیس انت
پچاں نانے بلے تانگ نزاناں
تئی سرسوجیءَ ھوشوں وتی گار
ترا کئیت ایں کدی زانگ نزاناں
دپءِ گپ پمن انت شر سرپداں من
دلءِ گپاں تئی زانگ نزاناں
اے زندءِ کم ئے روچاں ھلک ءَ بِگْوازاں
دلوں لوٹ ایت بلے مانگ نزاناں
منی کوریءَ بازیں دوست بژنیگ
بلے بیت جاہءِ کئے پانگ نزاناں
چو آسی ھمبلاں چوگاناں شپ روچ
من انسانے یا پروانگ نزاناں
منیں تاجو میارؔءَ طائرؔے کت
تئی چی نام دُردانگ نزاناں