چہ تو نامے چہ تئی نامءَ نہ لوٹاں
مراں گژنءَ کسی شامءَ نہ لوٹاں
منءَ دوست انت وتی شپ سیہ تھاریں
ترا چہ من تئی بامءَ نہ لوٹاں
ببارت ننگءَ بہ کنت دیوان ءَ پُرّیں
اگاں ایرجیگ چشیں وامءَ نہ لوٹاں
پہ کستے چیر کتگ زاناں بلے من
دراھگ نوں چرے دامءَ نہ لوٹاں
بہ کنت بازینے ءَ بے چاڑ ءُ بے زار
چشیں اﷲ من آرامءَ نہ لوٹاں
مہ بیت ھمگام بہ بیت پشتءَ چہ کاروان
اے کول انت اے وڑیں گامءَ نہ لوٹاں
بہ تھلیت امریءَ داں نُکّءَ طائرؔ
اے دابیں شیرکنیں تامءَ نہ لوٹاں