چندنیں جیگءِ ہزار گنجیں تلاہءِ نیمگءَ
دل وتی پاداں گران انت پہ صباہءِ نیمگءَ
کُت دعا چند روچ بگنداں گڈی عمرءِ موسماں
درد وتی دستاں شہاریت کیت ساہءِ نیمگءَ
حاجتءِ ارمان ءَ بندیت کئے دلءِ پشتءَ وتی
عاشقیں چماں بہ گردیں ہر نگاہءِ نیمگءَ
ہنّی دزگٹّاں گوں زندءِ مشکل ءُ گرانیں غماں
مہلبیں بیگاہ یے کایاں تئی لقاہءِ نیمگءَ
قیامتیں زندءَ بہشتءِ کئے ثواباں شات کنت
تُنّگیں زردءَ بر اَنت دیدگ گناہءِ نیمگءَ
پلیں امروزءَ وتی ہر کس پہ گواہے سئیل کنت
کبگ رفتارے بہ ُجنزیت زندءِ براہءِ نیمگءَ
تئی امیریں عاشقءَ ہو ذی منءَ بیہار دات
عیدؔ پاداں دو مکن مئے مہ لقاہءِ نیمگءَ