چہ تئی نیاداں شیرکنیں شمُشکار نہ باں
ما دنیں راہ ءَ کپتگاں ہِچ گار نہ باں
بلّے تئی مہر ءُ دوستی ءَ سک نام ءُ دپاں
بے تئی نام ءِ ہوری ءَ نامدار نہ باں
مُجّتی ہمراہ اَنت منی زند ءِ غم تئی
نستگیں بحت ءَ چہ وتی آزار نہ باں
نیادی ءَ مہر ءِ پہ زُلیخہ ءَ مرچیگیں
من نئیاں یوسف بیرگءَ بئیپار نہ باں
علّتے چونیں من چتگ دہر ءِ دامن ءَ
بیدئے تئی نام ءِ قدّحاں ہِچ سار نہ باں
تو مَنی ساہ ءُ تو منی جند ءِ واہگ ءِ
کئے گُشیت درداں گوں تئی دردوار نہ باں