درِیگءِ پِیریں پَردگاں بہ چَنڈ
گُباراں گِپتگنت
گشے کہ موکواں کُدامیں لوگ بستگَنت
تنِکّیں پردگانی اندر ءَ
چراگے بُست کنت ........
دو ساھگ اَنت، سُرنت ءُ روک بنت
ما سئیمی پاسءَ رستگ آں شپ ءِ
بلئے اے راستی چمّ
دَمبرَگ نہ زانت ........
ہمِینچو کِیکّ وارتہ گردِن ءَ
نوں سِرین ءِ ہَڈّ درد کنت !!
تئ لوگءِ پِیریں پَردگاں منا جَواں کُتہ
اے بادگیرءِ درچک چاریں نیمگاں ،سَلامی، اَنت
پَسِیلّ ءِ بُرزیں بَتّی ءَ کَساں بکن
تو بِرہنَگ ئے ، من زاہِراں
تنِکّیں پردگانی اندر ءَ
دو ساہِگ اَنت ، سُرنت ءُ روک بنت
-----------------------
------------------------