چو تئی بچکند ءِ زیمر پُرشتگ اَنت
بیگہ اِنت دریاءَ جمبر پُرشتگ اَنت
ساہگے زیران ءُ درچکے پِر دیاں
روژنا اِنت راہ ءُ لشکر پُرشتگ اَنت
بیتواری گوانزگے چنڈینتگیں
لیٹ اِتگ بالاد ءُ مہپر پُرشتگ اَنت
درمہ کپ تہنا اے ہئور ءِ موسم ءَ
چمّ تئی زیبائیں دلبر پُرشتگ اَنت
نوبتاں دروت ءُ سلامے راہی اِنت
نیم آزمان ءَ کپودر پُرشتگ اَنت
مردم ءَ جندئے وتی ہاتر نہ گپیت
دل پُرشیت جاہےگشئے سر پُرشتگ اَنت
وشتر ءُ نوکیں تماشایے امین
شپ ملاراں گوں قلندر پُرشتگ اَنت