زانتاس

ہما اِنت دانکہ اَنّیگ ءَ

ٹٹاتہ جمبرے ءَ آزمان ءِ دل

پتاتہ بیسہ ءِ چماں چڑکایے

گباریں بیتواری دُور سرتلّاں رچان اِنت

ہمااِنت دانکہ اَنّیگ ءَ

شپ ءَ سنگر یلہ داتہ چراگانی

نواہیں جنگل ءَ را دائمی ترسے پُلونچءَاِنت

ءُ نازین اِیت تہاری ءَ

ہمااِنت دانکہ اَنّیگ ءَ

ما پُشت ءُ دیم پیداکیں

تہاری ءُ چڑکہ ءِ نیام ءَ رزّہ ے پَرک اِنت

ہمے بیسہ تسلاہے کِشیت

شہمیت

کدی ہوشام ءِ تلکاراں بہ سبزیت نمبے ءِ ارمان

کدی کوہنگ ءِ درچکانی رمیزاں ،

مانداریت تبدیں ایمانے

ہمااِنت دانکہ اَنّیگ ءَ

سگاریں وہد ءِ لنٹاں واد بَستہ

تنیگہ چول دریاءَ نہ پُرشتہ

زانتاس... زانت آس