مُج ءُ تاموریں گیابانے
نیامجی ءَ
یک دیوالے کلات گواپیں
ءُ دیوال ءِ تہا بانے
گِل ءُ سِنگ ءِ
ءُ بان ءِ اندر ءَ غارے
سر ءُ دست اِنت دراجی ءَ
ءُ جُہلی ءَ ہمنچو بیت
کہ دپ بند اِنت
کسانیں گواتگرے تہنا
چہ دُورءَ موکوئی تند ءَ چو
گندگ بیت
من سیاہیں چادرے مانپوش اِتگ
ءُ نشتگاں یک کُنجے ءَ
پہ وانگ ءُ بیوانکی
( منی ہستی گشئے چو کلکشان ءِ گاریں استالے
جلکشان اِنت)
ہئو مرچاں..
ہمے من بند کناں چمّاں
یک چمّے…..
من ءَ یک داب ءَ انگہ گندگ ءَاِنت