دلانی دردءُ مئے واہگءِ دہل ءَ بر نیاؤرت
مئے زندگانیءِ زانتءِ درچک ءَ ثمر نیاؤرت
گوں مہرءِ ارساں نہ کُت تو جیگ بندتر نیاؤرت
بزاں کہ دستانی مئے دُعایاں اثر نیاؤرت
زہیر ءِ پندول پُر کُتگ چہ وفا ءِ پُلّاں
تئی جیگءِ غم گل پہ اے جہانءَ ما سر نیاؤرت
مئے عاشقیانی شپ تہار اَنت پہ مہرءِ شہمے
تئی دیدگانی دنیگہ نوراں سحر نیاؤرت
سُچیت زاناں مئے واہگانی اے درچک ءِ ساہگ
وفا ءِ دردے دل ءِ ڈگار ءَ تو درنیاؤرت
ابیتک اِنت عیؔد تئی غمانی ہلکءَ زہیر ءِ شانتُل
دل ءِ پہ کلمانٹیں کاڈ ءَ کسّ ءَ حبر نیاؤرت