اے کجام راہ اِنت باریں کجا رپتگیں من کجا تو کجا

اے کجام راہ اِنت باریں کجا رپتگیں من کجا تو کجا

یک ءُ دومی ءِ شوہاز ءَ درکپتگیں من کجا تو کجا

تو ماں جوئی کنارے پہ آپ ءَ روئے، من چہ تَن ءَ مِراں

درد ءِ پلّانی گیابانے ءَ سرپتگیں من کجا تو کجا

نوں کئے اِنت کہ پدا نزبیاریت مئے ارواہاں یک جاہ بہ کنت

جلگہیں گلزمین ءِ سرا کپتگیں من کجا تو کجا

مارا بلکیں حیالے دل ءِ کاپر ءِ چیر ءَ جاگہ بدنت

غم تگردے چو سچکانے ءَ گوپتگیں من کجا تو کجا

قاضی من سہب ءُ بیگہ چؤک بوتگاں، تو گِس ءَ وپتگ ئے

یکیں آسے زراب ءَ دوئیں تپتگیں من کجا تو کجا