اے جمّر ہور نہ کنت ءُ گرٛند ءَ کپتگ
’تئی کہ لُنٹ چہ بچکند ءَ کپتگ‘
منی چمّاں گُشئے پُہلء صراط اِنت
اے مُود ءِ ٹال کئی سر رند ءَ کپتگ
تئی اَمباز ءَ گرمیں شیرکنی یے
منی جان ءِ رگ ءُ ہر بند ءَ کپتگ
سمین ساچیت، نہ سوچِیتیں لوارے
یک اَنچیں ترٛانگے دلبند ءَ کپتگ
پہ شَرّی ءَ بچار میریں بلوچ ءَ
چہ عہدی دور ءُ ہر رہبند ءَ کپتگ
گنوکیں دل گُل ءِ مُہریں غمانی
گوں تَیلاں بستگ ءُ پابند ءَ کپتگ
نہ پرٛشتگ اَنگت ءَ اے شِیشگیں دل
پہ تو اوشتاتگ ءُ ہر رندا کپتگ
کُجام درد ءَ یلہ داتگ کہ ممتاز
چہ شعر ءِ بندگ ءُ پربند ءِ کپتگ