غم بلیت چراگاں گوں شپ تہار اندیمءَ
سُتکگیں دل اِنت انگت گیر کاریت مہدیمءَ
سَنگ کپت آمیدءِ مہرءِ پلّوءَ ، زِردءِ
وہدءَ جت پہ چالاکی ،مُکّ یے زانتءِ شاہیمءَ
زحمءِ زہ ، زُبانءِ ٹپّ کنت دو بہر ارواہءَ
مہرمی نگاہانی دُراہ کنت واہگءِ زیمءَ
واہگانی رنگراہءَ عشق منزلءِ اوست اِنت
راہ وت تہاری یے پہ ندیستگیں مئیم ءَ
دانکہ زیبءِ جوہانءَ ارزُنیں حیال رہن انت
کم نہ بیت دل ءُ عقلءِ جنگ مئے ہچ پئیمءَ
ایوک اِنت سفر زندءِ عیدؔ چراگ یے درکار اِنت
کئے دلءَ بشوہازیت پہ منءَ شپءِ نیمءَ