دنیا یک جستی پسو ات
چی انت دہرءِ عاقبت
عہدانی مانش جاہے زند
ارس انت نگاہانی بدل
شک تہنا گورءِ محرم انت
کئے یات کنتیں چیدگاں
عہدءِ قلاتاں پرشتگیں
گمنام سرداریں شپ اَنت
چم کہ چراغیں نز باں
من پدّرہاں پہ فہمگءَ
آسر چوں مہرءِ داغ بیت
نودشل اَنت چوں انگراں
غم پرچیا رنگ رجیت
بلکیں گوں عشقءِ بوسگاں
حاجت نگاہءِ بیت ودی
دیدگ گناہءَ پاک باں
ءُ راہ زندءِ راست بنت
زندءِ بلے منزل چی انت؟