گِندگ ءَ وھد بے زبان اِنت ھم
بِشکن ئے قصّہ یے گُشان اِنت ھم
شگرب ءَ روچ کہ سرا کشّیت
ھِیرت بچارئے آ ایر رَوان اِنت ھم
زِند پہ جُھد کنوکاں یک لئیب ایت
پَھکیں نابودان کوہ ءَ گِران اِنت ھم
دَھر ءِ پہ ما سُبکّیں شاکارگ
تثن ءِ جوھار ءَ پِر کناں اِنت ھم
رَستگیں کِشکے تئی گشے گیوار
ھجگیں ھُلّانی کلکشان اِنت ھم
دیستگ ئی کئے کہ چہ گل ءَ بال اِنت
ارس ئی چہ دیدگاں رچان اِنت ھم
دل کہ رِھتیں تلارے اَت ساحرؔ
مِھر ءِ پاھار ءَ آپ بیا اِنت ھم