گوں جڑاں گوازی کنان ءَ واب کپتگ نیمراہ ءَ
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
گوں جڑاں گوازی کنان ءَ واب کپتگ نیمراہ ءَ
ماہ دوشی تگّ جنان ءَ واب کپتگ نیمراہ ءَ
یک کدوھے گلزمین ءَ مدّتے بیت نیم واب اِنت
یک کپوتے آزمان ءَ واب کپتگ نیمراہ ءَ
اے دل ءِ جست ءَ مکن کہ چہ زہیراں ژند ءُ پند اِنت
گوں غماں سرسر جنان ءَ واب کپتگ نیمراہ ءَ
گندگ ءُ بالاد ءِ تیربند ءُ قطب ہشک ءُ ہبکّہ
ماہ ءُ درور ماہکان ءَ واب کپتگ نیمراہ ءَ
قاضی ءُ چار روچ ءِ زند ءَ کردگاریں کار کُرتگ
گوں وتی شہدیں زبان ءَ واب کپتگ نیمراہ ءَ