تئی مہر ءِ مذہب وفا ءِ دین انت
اے عشق ءِ ستک ءُ منی یقین انت
ہمودا دستاں ریحانے کشتگ
آواہش ءِ قبر ءِ مئے سرین انت
کجانگو شنزان انت مہپر ءِ نود
کہ روک غم ءَ آس ءَ مئے جبین انت
تئی دروشم ءِ چو گلابیں پل ءَ
ابیتک تماہانی سر زمین انت
دل ءِ مئے درداں شفائے بخشیت
تئی لنٹ ءِ لزّت چوانگ ء بین انت
گشاں تئی گون انت چاڑ ءِ پلاں
مئی اوں رنگ رنگ حیال ءِ درین انت
عیؔد مئے ایمان ءِ حیر باتیں
صبا ءِ وشبو دل ءِ سمین انت