گُنگ انت اے زبان پرچہ لہڑیں دل ءِ پاہار ءَ
ارسے نہ کپیت پرچہ اے رولہیں چم ءَ را
ہرکد کہ دل ءَ کشّ ات گالے ترا پر بنداں
چماّنی شلیں ارساں دْروہ اِت منی عقل ءَ را
مہرانی زہیرانی باہوٹ ءَ نہ داریت کس!
دْریگت کہ بہ برتیں تو، گوں وت منی ساہ ءَ را
چے رستریں دنیا ءِ مہر ءَ چہ یکیم انت دل
لوٹ ات چہ دراں پرچے آخر من وفا ءَ را
او وہد! بچر پشت ءَ زیمیں دل ءَ آزین ئے
چے زانئے! کہ چے چے گون اے رفتگیں زند ءَ را
اے شاد نہ بیت پدّر سوگند نہ پرْشیت مہر ءِ
لرزیت اگں نام ہرکد منی افاّر ءَ