گُٹ گیر مارا اَنچو کُتگ اے زمانگ ءَ
نو ھچ وسے نگنداں مں جندے آھگ ءَ
کول ءُ کرار نیست منارا نو پہ ترا
اَنچو ھجالتاں نو تئی جندے چارگ ءَ
ماتی منارا ھکّاں وتیگاں پِھل بکن
دائم ترا مں گنداں پہ ارسانی گوارگ ءَ
هچبر هتم نہ بنت اے دنیائے تژن ءُ گم
دست ءَ مدار جندے وتی پہ شھارگ ءَ
بلکیں بگندے یاگی ایں مرگانی اے رماں
من هم رمے شکار کناں کوه ءُ کوچّگ ءَ
من پہ کُجام اوست ءَ بچار زندگاں اِدا
جیڈاں مُدام وھدے کپاں دوست ءِ ترانگ ءَ
من شهر ءُ میتگاں چہ وتی دور رپتگاں
نہ زهمے جت کناں ءُ نہ تیرے نشانگ ءَ
گپار تو گوں جند ءَ مکلس بہ بی ءُ بس
همراه بہ بی ءُ تیرا بہ ور کوهیں سینگ ءَ