من مُرتگاں یا زندگاں کُربان بہ باتاں من
تھنائیءَ من کپتگاں کُربان بہ باتاں من
تئی یات ءُ گیر ءُ گپ دل ءَ آباداں دائما
من تئی ودارءَ نشتگاں کُربان بہ باتاں من
اے چونیں رستر انت کہ تُرسءِ ھداءِ نیست
انچو بگائی تتکگاں کُربان بہ باتاں من
سُھریں سلام ادھم ءَ ڈیہہ ءَ شھید بوت
دل بند ءَ تیرئےِ وارتگاں کُربان بہ باتاں من
بازار ابیتکیں سرجم ءَ پُرسیگ ھمُک گس اِنت
لئیب جاہ ءَ ھون رتکگاں کُربان بہ باتاں من
کولے کُتگ بلوچی کہ بیر ءَ من تئی گراں
تیر ءُ تُپنگ زرتگاں کُربان بہ باتاں من
گپار ھما تو روچ ءِ ودار ءَ نوں بس بکن
کول ءُکسم من داتگاں کُربان بہ باتاں من