ھیال ءِ مرتگیں ڈیوا دوبر بلینگی اِنت

ھیال ءِ مرتگیں ڈیوا دوبر بلینگی اِنت

منارا آس پناہ جاہےءَ رسینگی اِنت

دو لبز بلکیں من ءَ زاہر ءَ تسلہ دنت

تئی زہیر من ءَ سینگ ءَ کدینگی اِنت

ہمک سخن تئی پمن چو مزری ئیں شکرءَ

تئی لبزلبز شکر گال پمن بینگی اِنت

بساٹ چو وتی سا ہ ءَ نہ ششتگیں درداں

اے زند گی گد ءُ پچے نہ انت پلینگی اِنت

من آزمان ءِ ھما درپشناکیں استالاں

شپ ءِ ورندہ من ءَ ھر وڑ ءَ ھزینگی اِنت

تو قاضی ؔ بِلّے منارا بہ سِند چو بندیک ءَ

منارا گوں تو وتا ھر وڑا اڑینگی اِنت