عشقءِ گپءَ بکن راز شعرے بگش
دل غمءِ ترانگاں ناز شعرے بگش
زندءِ زپتیں زہیراں گوں تاہیر باں
تو ہما ساز ءُ آواز شعرے بگش
کدّہانی سفر انگت سرجم نہ انت
عمرءِ گپّءَ بکن راز شعرے بگش
زندءِ سر مستیءَ پہر بیت واہگ یے
سرشماں کوہی مہناز شعرے بگش
ترانگءَ تو کپ ئے یک اناگہ وتی
درد ءُ رنجاں درانگاز شعرے بگش
نرمیں لنٹاں سُرین بند بکن دیدگاں
دل دل ءَ مَارا شوہاز شعرے بگش
زاناں دردانگءَ چو نہ گشتگ عیدؔ
گوں منءَ بئے گوْرامباز شعرے بگش