جی پہ شیدائیں سرءِ پیریں حیالانی سبق
ہو جہاں یات انت ترا دیریں حیالانی سبق
قبرءَ تنک انت اے جہاں ساہ منی پُرّ نہ بیت
عشق ءُ تئی مہرءِ نفس گیریں حیالانی سبق
شپ وتی موسمءِ رنگانی تہا لئیب بکنت
تئی گندوکیءِ ماہ شیریں حیالانی سبق
مَا بہشتانی ہمک حور ءُ طہورءَ چہ زبہر
پہ کہیب ملگ ءُ انجیریں حیالانی سبق
نقش انت عمرءِ اے منی گڈسری پدیانکءِ سرا
او زمانگ تئی دل میریں حیالانی سبق
مکتبءَ مہرءِ ، وتی عمرءَ قرآنءَ ونتگ
تئی غم ءُ ترانگءِ ملیریں حیالانی سبق
غم شل اَنت نوداں زہیرانی زبادیں کشکاں
مہپریں مسک ءُ بدن ہیریں حیالانی سبق