جیڑگاں تنہائیانی میزاں میزاں کم بکن
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
جیڑگاں تنہائیانی میزاں میزاں کم بکن
تو اگاں سک ایوک ۓ نامہرے مہرم بکن
داں منا ہوش اِنت چو گوات ءَ پند بُران ۓ مدام
سولے ءِ چیرءَ بہ ساسار پہ گدارے دم بکن
ساہتے پرریچ ملگوراں وتی ابربستگیں
واہگانی ناتوامیں کسہ ءَ سرجم بکن
کئے اے بے راہداریں امروز ءِ زبان ءَ داشت کنت
روچے روچے پد ماں پد بیا روچے روچے شم بکن
زندگی ءِ روچ دائم پہ ازابی چون گوزانت
چو کئے ءَ گشتگ ترا کہ سہب ءُ بیگہ گم بکن
محشر ءِ روچ ءَ کئے ءَ گون چونیں چونیں جست بیت
تو وتی سدءَ بہ بئے قاضی منا جہندم بکن