جوریں پلاں آسُمی ءُ گلاب گندیں انگتہ
ما چہ قرناں واب دیستگ واب گندیں انگتہ
حون پالاتگ غمانی واہگ ءَ تئی چہ ازل
چونیں قہر ءُ باریں دیم ءَ عزاب گندیں انگتہ
چپ ءُ چوٹاں سر جنان انت زندءِ گاریں کاروان
مادنیں ما راہاں پیچ ءُ تاب گندیں انگتہ
چوں ترا من بزاناں تو من ءَ را تو بگُش
ما وتی وت جند ءِ دیمءَ نقاب گندیں انگتہ
آس روک انت گلزمین ءَ بے سما انت شاعری
لال ءِ حون ءُ اِرسیں چماں شراب گندیں انگتہ
موجرانی موجریءِ راز چیرانت ماں شپاں
ظاہرءَ ما چوشیں بازیں ہجاب گندیں انگتہ
واہگانی جنّت ءَ عیؔد سرنہ بئیں ما ہچ وڑا
ما وتی کہ ہر گناہ ءَ ثواب گندیں انگتہ