سنج بکن بورءَ شادہءِ روچ اَنت
مہرءِ گرْ وہتاچیءَ بہ بر باج ءَ
گاریں امروزءَ کئے ابد مانیت
زندگیں روچاں دردءِ باہوٹءِ
چہ کئیا تُرسءِ او یلیں ورنا
عشقءِ سَٹّانی سگّگ ءَ باریں
تئی گلیں بالاد چو سرْ ہم گپتگ
نہ وتءَ گندئے ، نہ من ءَ مارئے
کپتگءِ پہکا دردءِ کابیلءَ
واہگءِ طوفانءَ نہ بئے آگاہ
تو بہ سُر کمک پادا چہ وابءَ
دلجمیں جُہدءِ جوزگاں امباز
مئے مُرادانی منزلاں شوہاز
من ترا نوکیں مہر ئے بکشایاں