کیفءُ سازءِ موسم انت یا بہارءِ موسم اِنت
دل زہیراں گوں جتگ زلفءِ یارءِ موسم اِنت
آسمانءِ دیدگاں چاندی ئیں بدن چم اَنت
زندگیءِ غم کج انت تئی ودارءِ موسم اِنت
مہنائیں سریگ چم انت چو سہر سہریں بیرکاں
شپ کہ لیٹ اتگ پدا بامسارءِ موسم اِنت
حون تلوس انت دلءِ پہ تئی دستاں پرپکیں
چے گلگ چہ تالہءَ شنگ شارءِ موسم اِنت
پرس ءُ فاتحہ کہ بیت مئیگ ءُ تئی جتائیءَ
موتک گرْنچ بنت دلءَ زار زارءِ موسم اِنت
قرنیءَ چہ پد منی دلءِ نہال سبز اتگ
سئیلءُ سوادیءَ درا بیا شکارءِ موسم اِنت
عشق لذتیں ازل زندگانیءِ عیدؔ
کپتگ ئے تو سجدہءَ چم خمارءِ موسم اِنت