کوراسیں دل ءَ ترانگ ءِ کندیل بلان اِنت

کوراسیں دل ءَ ترانگ ءِ کندیل بلان اِنت

ابرستگیں یاتانی زِری نود شلان اِنت

برگشتگیں امروز ءِ کُدام بستگیں دگّاں

کوہ گردیں بلوچ ءِ زگریں حون تلان اِنت

من ڈیہہ ءِ شہیداں چہ دل ءَ چون شموشاں

بلّے کہ غمیگاں، بلے دل شات ءُ گلان اِنت

درداں گوں پدا ہور بؤاناں دل ءِ ٹکُّر

جان ءِ منی بند بند زہیراں گوں لَہان اِنت

قاضی تئی میراث غم ءِ چاگلے آپ اِنت

فکرانی گیابان ءَ عقل تبد ءُ جلان اِنت