ماہءِ مہکان آگہ اِنت واب ءِ حجاباں لئیب کنت
موسماں تئی زندگی کئے گوں گُلاباں لئیب کنت
مولمانی ساچیں سُہباں ترانگ جیگ ءَ پُلّے چنت
غم سہ کالکیں گوں زہیرانی تناباں لئیب کنت
روچءِ رُژنءِ آگہی دنت تئی گُشانءَ رنگ ءُ نور
شپ رچانءَ کئیت نصیبءِ گوں عذاباں لئیب کنت
موہ نہ دنت بہ انسراں من تئی غمانی گریشگ ءَ
مئے حیالءِ بےوسی گوں چم ءِ واباں لئیب کنت
دل کہ سُلطان اِنت عشق ءِ ماں حیال ءِ جنّت ءَ
واہگانی تئی گُناہے گوں ثواباں لئیب کنت
دردءِ کوہیں عیؔد جگر آپ بیت رچیت گوْرمیں زِرءَ
گوں من ہمراہ بیت جنکے کہ تیاباں لئیب کنت