من ءَ پہ زند ءَ غم ءِ وتاسانی تیر نئیلنت
دل ءَ گوں جھیڑاں، دل ءَ مروچاں زھیر نئیلنت
اُمیت ءِ مُنجار ءِ چے گلگ، چے دل ءِ میار انت
من ءَ تئی درگاہ ءِ زیارت ءَ کہ فقیر نئیلنت
ترا اوں کُشتگ مسیت ءِ مُلا ءِ پنت ءُ سوجاں
من ءَ اوں قبر ءَ پہ شِہم منکر نکیر نئیلنت
”اے لہمیں دردانی پسّو ءَ کئے بدنت سمین ءَ“
کہ شانتل ءَ را لدانی سبزیں کہیر نئیلنت
من ءَ تئی زعفرانیں یاتانی مہپر ءِ بو
بباں دمانے غمانی شہر ءَ چہ دیر، نئیلنت