من ءَ رایات انت انگت ءَ
تئی شپاریں مہپرانی مِسک بوئیں ساھگءَ
تئی شہد مینتگیں انارکانی بوسگ ءِ سحر!!
من ءَ را یات اِنت انگت ءَ
تئی شراب شانیں دیدگانی کیف ءُ نوش
من پہ صد مُراد تِنگ ات انت دیست واھگ ءِ اٍثر!!
من ءَ را یات انت انگت ءَ
تئی گلاب دروشمیں تنک لُنٹی ءَ
منی غمانی سیاہ شپ کتنت چو جنّت ءِ ھزار نازیں راہ سر!!
من ءَ را یات انت انگت ءَ
تئی چندنیں بند چو نرم آبریشم ءَ گروک ءِ شہم ءِ درورات!!
من دانکہ مدّتے تئی زباد ءُ مہلبیں بدن وت ءَ گوں کرت سرماں سر!!
ستر کہ دوٴر گوْستگیں پدا نہ بنت پمن ءَ
بلے من انگت ءَ برے
تئی کہ ترْانگ ءَ کپاں
غمانی داگ نوک بنت
دل ءَ چراگ روک بنت