من کیا راگِیر کاراں کئے بزانت
نِشتگ ءُ کئی راہ ءَ چاراں کئے بزانت
جَکسگایاں وَھد ءُ بے وھد روچ ءُ شپ
چونیں سازے ءِ تواراں کئے بزانت
قاصد ءِ ”آیگ رَوَگ“ مَھتل نہ بیت
چونیں ھَنکین یے دَواراں کئے بزانت
شَرتگے چونیں شِگُوَستگ چہ سَرا
چو کہ ایر جیگ ءُ پلاراں کئے بزانت
بُرت کیا گو یاک ءُ گُنگی دات مَنا
گوں وتی قول ءُ قراراں کئے بزانت
واھگ ءِ بے گواز ءُ بے رحمیں زِر ءَ
چونیں چَولانی مَیاراں کئے بزانت
کلکشان گیوار ءِ ساحرؔ گِندگا
کپتگاں کِشک ءَ، یاگاراں کئے بزانت