منا کاینت وتی دوست ءِ حبر یات
منا دوست ءَ وتی چنکاں شکر دات
نہ چاریں چاردہی ماہ ءَ کدی من
کہ ماہ اچ دُر دپءَ ہچبر نہ بیت زیات
مہ گندیں دوست ترا دل بیت غماں بار
پچاریں دوست ترا دل بیت منی شات
شکر کشتگ گلاب رستگ وپا تی
گل ءِ رکاں پہ بیں صد بر من آزات
پری شر رنگ گرانیں لڈگانی
شپی کل ءَ منی تہنا بیایات
دعا من لوٹ اِتگ وت اچ خدایا
منی دل تئی بہ بیت تئی دل منی بات
بہ حقانیؔ درا آدمؔ دعا کت
منی دوست ہچ بدیں روچ ءَ مہ گندات