مارا دیثو آں مسافر ناغمان ءَ جکثہ
ما روانوں مهر ءِ دگ ءَ اے زمانه جکثہ
ایکوی ءَ زند جکّی چو تہارے بی شف ءَ
لال روغ ءَ وخت کلیں مئے گمان ءَ جکثہ
په وثی ڈیہہ ءِ زہیراں شیح گڑتہ بوذناں
رِختغایاں اڑز ھونیں چم کمان ءَ جکثہ
چغل داثہ بین ءُ چنگے مئے وڑیں جوگی سراں
مئے دل ءَ تئی زلف سه ماری وران ءَ جکثہ
ڈومب آفے اے جہانی، کُل دروغیں کسواں
یار نی تہ هر گُرے کینغ دلان ءَ جکثہ
دُر دروشم گھاڑ بنت ئی مئے دل ءَ آفے رسی
عاشقے گوں ماہتاب ءَ ھم تران ءَ جکثہ