مارا میار بار کناں، بے میار باں
بامردیں مردمانی وَ کار اِنت کہ گار باں
اول ءَ زمین رندا منی مات گُڈی تو
جَنگ ءَ اگاں نہ مُرتاں تئی وامدار باں
درور تئی گُشگ باں پمشکہ گنوکاں پُل
بچکندگ ءَ بِگنداں ترا بلکیں سار باں
تئی پُکی ئیں انارک اِشاں چُکگی نہ اَنت
اے زلپاں سُوج دئے کہ پدا مژدہ وار باں
مارا نہ دیدگانی تلب نا شراب ءِ تُن
اے چم تھنا ھون بگِنداں خمار باں
آزر من رنگ چاریتہ ءُ عاشقی کُتہ
چو پارسا نھاں کہ حدیثاں ھوار باں