مناں کہ داتگ بباد زندءِ سوگہیں بُنمال
گنوک اے ناگتیں حبّ ئے مکن منءَ بیتال
نہ دیستگ مہر ء ُ وفا ءَ مزّ کہ نازانت ئے
بِگر اے مزّگءِ جستءَ شہ سونی و میوال
وفاءِ دروشمءِ پہرءَ شہ حمّلءَ دربر
کہ گولت ئے مستونگ ٗ بِدرنگ ٗ گوز ء ُ شیشال
نہ مارت پنّوءَ شاہی پہ سسّیءِ شونءَ
گواہ اے درگتءَ تہکامیں میریءِ دیوال
سر وتی مکہءِ دربندءَ دات مرید رندءَ
نہ کرت ئے حانی ءِ مہرانی پد کدی بیحال
گنہگاروں من چینکس من شرّی ءَ زانیں
نہ بیت برتگیں باج ءِ نشاں اصل پادمال
اے ترونگلیں ارسانی لڑ منی سوغات
نہ بیت دورگءِ درمان پہ زیملی چیہال