مردگ پرستانی دلءَ برفءِ وڑا آپ بکنت
زندگ دلے بئیت منی قبرءِ سرا چاپ بکنت
ساچ کہ تئی ساچیں بدن زندءِ گواہ انت ءُ گمان
کوش ءُ سمین ، سنج ءُ بہار بیکاں تئی گواپ بکنت
آساں جتگ کوہیں غماں مہرءِ چراغانی سفر
برپیں زمستانی شپاں زندءَ کئے اِنت تاپ بکنت
نیست ہچ منءَ اوست ءُ امیت من چوں بہ چکاساں وتءَ
عمرءِ تلاہ پوشیں زہیر موم شلیت ترْاپ بکنت
بلکیں بہ ڈوبارنت منءَ چم ءُ دلءِ ہرس ءُ ہوس
عیدؔ من بدیں مردے نہاں اللہ منءَ مَاپ بکنت