مر دیئغا گوں ھر دماں ودھی
دیاں تھرا جی آں، تھ دِھ جی یے دئے
یار گل بِلاں باز مئے باثاں
اے دِھ بی گوں من اغدھ تھی یے دئے
عمر کمیں اے مھر کنغا پہ
دبّرا مولا زندگی یے دئے
داری شہ جنگانی بذیں گوانکاں
تھئہ بلوچاں را توکلی یے دئے
دئے سرے جوائیں تھ بلوچاں را
گوھرے درّیں، قیمتی یے دئے
گرّا ئے ٹیڑھا من جناں شئیراں
ھشکاوغیں ڈیھا، آفی پھڑی یے دئے
دئے تھ مھتابے جکّھرانڑیں آں
دئے دریھانے، ترکلی یے دئے