نہ کتابے درد ءِ ونتگ نہ غمے محرم کتگ
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
نہ کتابے درد ءِ ونتگ نہ غمے محرم کتگ
تو نزانئے بے ترا من چوں وتا سرجم کتگ
یکشل ءَ بُراں کتگ من راہ رُنگیں واہگ ءِ
بس دمانے تئی زہیرانی نوان ءَ دم کتگ
تئی حیالانی تہ ءِ دنیا دگہ دنیائی یے
نہ شپ ءَ من واب دیستگ نہ من روچ ءَ غم کتگ
دل پشومان اِنت کہ آدینک ءَ وتا چاراں نہ کت
من گَل ءَ بالاں منا مرچی دو چمّ ء چمّ کتگ
تئی وفاداری ءِ قاضی گپ گوں من ہچ نہ بیت
زندگی ءِ یک ءُ دو ساہت پہ مرگ ءَ کم کتگ