نہ شہر ہما پیم اِنت نہ میتگ ءُ بازار

نہ شہر ہما پیم اِنت نہ میتگ ءُ بازار

ہر کس گشے بندیگ اِنت ہمک بندہ سزاوار

اے گپ منا بژن اِنت کہ اے جاوراں سکّیں

جند ءِ منی برات اِنت منی بدواہ ءِ شریدار

کئے بیت کہ بکشیت چہ وت ریپی ءَ مارا

ما وت گڈیں راج دپتر ءِ دْروگانی گہنگار

چے پشت کپیت مردمے مات ءَ کہ بہا کنت

فرض اِنت پہ بلوچاں چشیں دُزّانی گر ءُ دار

نازین ہمے رنگ ءَ وتی ڈیہہ ءِ شہیداں

مارا پہ دلے دوست بنت قاضیؔ تئی گفتار