نیم شپی پاساں من دل ءَ اومان کناں
بے تْرہیں دردان ءَ مزن جی ءُ جان کناں
چے دگہ تئی عشق ءِ فقیرانی مال ءُ مت
اے وتی ارساں تئی سر ءَ درشان کناں
پہ تئی عشق ءِ داتگیں زیم ءِ آزگ ءَ
گوں وتی بدواہاں رواں دیوان کناں
صد براں زہران وراں انگت زندگاں
تئی زہیر وارتگ زندگیں مرکان کناں
بے وسیں زند ءُ بے وسیں بخت ءِ چے گناہ
ما گنوکاں کہ زیادہ ئیں ارمان کناں
بے نوا زند انت ءُ منی شاتیں ہمبلو
وت وت ءَ گْریواں وت وت ءَ وشان کناں