نیادءِ کیف ءَ بھنگ ءِ ملارءَ شپ گوستگ
دوشی گوں تئی دستءِ سحارءَ شپ گوستگ
مارا ملنگاں لوٹ ءُ تماہ ءِ چے حاجت
گنجیں ہمنچو مئے گوں یارءَ شپ گوستگ
واجہ ءِ لوگ ءَ بانُک ءِ بالاد بندیگ اِنت
سر مئے ایراِنت جیگ ءِ ہوارءَ شپ گوستگ
باندا بلکیں زندءَ دروتے دات مارا
ورنائی مئے عشق ءِ بہارءَ شپ گوستگ
لئیب کُتگ کہ ما گوں بّیکاں وشبوئیں
واہگ ءِ لوگ ءَ مہر ءِ شہارءَ شپ گوستگ
مارا شمُشتگ مسکیں سمینءَ زِرگواتءِ
دل چو آسءَ سُتکگ لوارءَ شپ گوستگ
ما کہ مُرادیگ ، دیدارءَ چو عیؔد ءِ نوک
شادہءِ روچ گوں شنگیں شارءَ شپ گوستگ