پہ کہیبے ماں صباہاں تئی مہپر شنزی
چوکہ سرگْوات کہ تْرمپاںدل ءِ پلّ ءَ درنزی
جی بباتاں منی مہ رنگ ءِ دْروت ءُ احوال!
کہ سمین چندن ءُ مسکاں منی جیگ ءَ دْرنزی
دات گْواہی دل ءِ زید ءَ کہ ہتم نوںآحتہ
دیستگ ات کہ ترا پُلانی میان ءَ من ذی
چو تئی یات من ءَ کئیت غمانی موجاں
چوکہ ارسے پہ قراری چہ انارکاں کنزی
ماہکانانی پری نوں پد ءَ دْرنگاں داراں
آسمان ءَ را کہ عاشق دل ءِ آس ءَ برنزی
شادؔ کاڑانی غماں چوں من ءَ بے سار کتہ
رگ رگاں چوکہ شرابے پہ مدام ءَ جنزی