قدّحءُ کیف ءِ قرار ءَ شپ ملار
جی تئی پادینکءِ توار ءَ شپ ملار
روچ ءِ گواچی درد ءُ اندوہ پہ دل ءَ
واہگءُ مہر ءِ دیار ءَ شپ ملار
شاعریں چمّاں منی کہ واب نئیت
واہگ ءُ مہرانی غار ءَ شپ ملار
باندا پدّر بیت حُدائی تئی حُدا
مرچی کہ نیادءِ بہار ءَ شپ ملار
آگہ اِنت عشق ءِ شراب ءِ ماہکان
شادہانی لوٹ ءِ جار ءَ شپ ملار
عشق ءِ وشبوئیں صباہءِ پُلّ مئے
ترانگ ءِ تئی ملگُزار ءَ شپ ملار
بُرت کُجا سر کت ، عیؔد تئی ترانگاں
دیدگاں داں کہ سحار ءَ شپ ملار